Ամերիկյան տաբլոիդները հայտնում են, որ հոլիվուդյան դերասանուհի Ջենիֆեր Էնիսթոնը դարձյալ կարող է մենակ մնալ՝ հայտնում է viva.ua-ն:
Նման անմխիթար եզրակացության են հանգել լրագրողները՝ իմանալով դերասանուհու ծննդյան շքեղ արարողության մասին, որին այդպես էլ չի հայտնվել նրա փեսացուն՝ Ջասթին Թերուն:
Փետրվարի 11-ին հոլիվուդյան դերասանուհին դարձավ 45 տարեկան: Իր ծննդյան օրը նա դիմավորել է Լոս Անջելեսում՝ ամենամտերիմ ընկերների շրջապատում:
Շշուկներ կան, որ նրանց հարաբերություններում խնդիրները խորանում են դերասանուհու՝ հղիանալու անհաջող փորձերի պատճառով: Ցավագին թեման բառացիորեն հետապնդել է աստղային զույգին:
Միևնույն ժամանակ Ջասթինի ընկերները հերքում են, որ զույգը վիճել է: Աղբյուրների խոսքով՝ դերասանը սիրելիի ծննդյան օրը գտնվել է Նյու Յորքում, որտեղ վերջերս մահացավ նրա ընկերը՝ դերասան Ֆիլիպ Սեյմուր Հոֆմանը:
