«Ժողովրդավարական Սիրիայի ուժեր» կոալիցիայի մարտիկները, որոնց աջակցում է ԱՄՆ-ն, վերահսկողություն են սահմանել Արևելյան Սիրիայում ԴԱԻՇ («Իսլամական պետություն») ահաբեկչական խմբավորման վերջին հենակետի նկատմամբ։ Այս մասին հաղորդում է Reuters-ը՝ վկայակոչելով Լոնդոնում գտնվող «Մարդու իրավունքներին հետևող սիրիական դիտարկման կենտրոնը»։
Նրա տվյալներով՝ «Ժողովրդավարական Սիրիայի ուժեր»-ը՝ ԱՄՆ-ի աջակցությամբ, գրավել են Իրաքին սահմանակից Էլ Բաղուզ բնակավայրը, որը Դեյր էզ Զորում ԴԱԻՇ-ի վերջին հենակետն էր։
Նշվում է, որ ԴԱԻՇ-ի վերջին մի քանի հարյուր գրոհայինները, որոնցից շատերն օտարերկրացիներ են, վերջին երկու օրում սիրիական ժողովրդավարական ուժերին են հանձնվել։ Սակայն նշվում է նաև, որ գրոհայինները դեռևս կարող են թաքնվել ստորգետնյա թունելներում։
