Համացանցում հայտնվել է «Աղյուսե առանձնատունը» ֆիլմի՝ ֆրանսիական հայտնի «13-րդ թաղամաս»-ի ռիմեյքի թրեյլերը: Ֆիլմի գլխավոր դերակատարներից է ամերիկացի դերասան Փոլ Ուոքերը, ով 2013-ի նոյեմբերի 30-ին զոհվեց ավտովթարից: Արտասահմանյան ԶԼՄ-ների հաղորդմամբ՝ «Աղյուսե առանձնատունը» ֆիլմը վերջինն է, որում խաղացել է դերասանը, հայտնում է 7days.ru-ն:
Ֆիլմի ռեժիսորը Կամիլ Դելամարեն է, սցենարի հեղինակը՝ Լյուկ Բեսոնը: Ֆիլմում Ուոքերը մարմնավորել է Դեմիեն անունով ոստիկանի, որը պետք է ներթափանցի զանգվածային ոչնչացման զենք ունեցող հանցախումբ: Սրա համար նա ստիպված միավորվում է նախկին հանացագործի հետ: Ֆիլմում Ուոքերի խաղընկերը Դավիդ Բելն է, ով հայտնի է նաև «13-րդ թաղամաս» ֆիլմից:
