Փետրվարի 13-ին սունի գրոհայինները գրավել են Իրաքի մայրաքաղաք Բաղդադից հյուսիս ընկած Սուլեյման-Բեկ քաղաքի կենտրոնական մասը և մի շարք ծայրամասեր: Ինչպես հաղորդում է Agence France-Presse-ը՝ վկայակոչելով տեղի իշխանություններին, աշխարհազորայինների վերահսկողության տակ են անցել նաև մի քանի հարակից գյուղեր:
Ականատեսների փոխանցմամբ՝ հրազենով, նռնականետներով զինված գրոհայինները հարձակվել են քաղաքում և դրա շուրջը տեղակայված բանակային անցակետերի վրա, որից հետո իրենց վերահսկողությունն են հաստատել Սուլեյման Բեկի վրա:
Բնակիչներին մզկիթների մինարեթներից կոչ է արվում լքել տները և փախչել, քանի որ սպասվում է բանակի հակահարձակում: Գրավյալ քաղաք են շարժվում զորքեր, քաղաքի վրա թռչում են ուղղաթիռներ:
