Այսօր՝ փետրվարի 13-ին, ԱԺ-ում շարունակվում է Կառավարության ծրագրի նախագծի քննարկումը: Պատգամավորները շարունակում են հարցեր ուղղել կառավարության ծրագիրը ներկայացրած ՀՀ վարչապետ Նիկոլ Փաշինյանին:
ԱԺ փոխնախագահ Վահե Էնֆիաջյանի հարցն առնչվում էր ոչ առևտրային նպատակներով Թուրքիայից ապրանք ներմուծողների՝ թույլատրված 50 կգ-անոց խնդրին: Էնֆիաջյանը նշեց, որ խոսքը 500-600 շահառուների մասին է: Նա բարձրացրեց նաև փողոցային առևտուր անող վաճառականների խնդիրը:
Ի պատասխան՝ վարչապետն ասաց. «Շարունակելու ենք իրար երեսի նայել ու միմյանց խաբե՞լ. ոչ առևտրային նպատակներով ապրանք ներկրելու շահառու են Հայաստանի բոլոր բնակիչները: Ո՛չ և ո՛չ, չի՛ լինելու նման բան: Ով ավելի շուստրի ա, ուզում ա ֆռացնի կառավարությանը: Ոչ մեկին թույլ չեմ տալու ինձ հետ ստի լեզվով հարաբերվել, ով ուզում է լինի՝ թիմակից կլինի, հարազատ կլինի, ընդդիմադիր կլինի»:
Փողոցային առևտրին վերաբերող հարցին էլ վարչապետը զայրացած պատասխանեց. «Բա իհարկե, հեղափոխություն ենք արել, որ բոլորս Մաշտոցի պողոտան դարձնենք արևելյան բազառ»:
Մանրամասները՝ տեսանյութում:
