Հայաստանում սկսվում են նոր, ժամանակակից քաղաքական դաշտի ձևավորման գործընթացներ, լրջանալու և հաջողության հասնելու համար անհրաժեշտ է խորությամբ գիտակցել իրավիճակը, վերլուծել, հաշվի առնել հասարակության տարբեր շերտերի ընկալումը նորի նկատմամբ: Պետք է ուշադրություն դարձնել քաղաքական դաշտի ձևավորման վրա. քաղաքական դաշտն այն միջնորմն է, որը հասարակության հիմքն է և թույլ է տալիս դրա վրա կառուցել պետական կառույցը՝ ապահովելով երկկողմանի կապ հասարակության և իշխանության միջև: Հասարակական կառույցներն էլ դեր ունեն, բայց նրանք քաղաքական դաշտին օժանդակող կառույցներ են»,- այս մասին «Առաջին լրատվական»- ի հետ զրույցում ասաց ՍԻՄ նախկին նախագահ, քաղաքագետ Հրանտ Խաչատրյանը:
Անդրադառնալով Կառավարության ծրագրին և նրա շուրջ հնչող քննադատական և դրական կարծիքներին՝ Հ. Խաչատրյանը կարծիք հայտնեց, որ այս իրավիճակում, երբ Կառավարությունն անցումային Կառավարություն է, պետք է նրա ծրագիրը իմպրովիզացիայի տեղ ունենա, և այդպես էլ արված է. «Ինչքան շատ իմպրովիզացիայի տեղ մնա, այնքան ավելի շատ հնարավոր կլինի ազատ գործել: Կարևոր եմ համարում իշխանության և հասարակության հետադարձ կապը և գործունեության վերահսկելիությունը»:
«Զարգացման ցանկություններ և գործերով ամրապնդված ցանկությունների արձանագրումներ տեսնում եմ»,- նշեց մեր զրուցակիցը՝ հավելելով, որ փոփոխությունների ինստիտուցիոնալացման գործընթացը սկսվել է և շարունակում է մնալ օրակարգում:
Մանրամասն՝ տեսանյութում:
