«Մամուլի հետ սուրճ» հաղորդման փետրվարի 8-ի հյուրը «Փաստ» օրաթերթի գլխավոր խմբագիր Արտակ Ճաղարյանն է։
Մեր զրուցակիցն ընդգծեց, որ Մարտի մեկի գործի հետ կապված հարցաքննություններում պետք է տարանջատել իրավական և քաղաքական բաղադրիչները, հասարակական ընկալումները. «Ժամանակ է պետք է, որ մենք կարողանանք անվերապահ վստահել իրավապահ համակարգին։ Բայց որ անկախությունից ի վեր մի շարք գործերին չեն տրվել քաղաքական գնահատականներ՝ փաստ է։ Ժամանակի ընթացքում իրավականից բացի կարիք կլինի տալ նաև քաղաքական գնահատականներ»։
Արտակ Ճաղարյանի դիտարկմամբ՝ պետք չէ զարմանալ, որ նախկին իշխանությունները, այն ուժերը, որոնք խորհրդարանում տեղ չեն գտել, փորձում են քաղաքական օրակարգում իրենց մասնակցությունն ունենալ. «Քոչարյանի թիմը, ՀՀԿ-ն, նրան կից որոշակի ուժեր ինչո՞ւ պետք է ձեռքները ծալած թողնեին գնային, բնականաբար սպասելի էր, որ նրանց կողմից էլ լրատվական դաշտում կլինեն ազդակներ։ Բայց ցանկացած հրապարակման հետևում տեսնել նախկին իշխանությունների ականջները՝ սխալ է։ Պետք է կարողանալ ընկալել քննադատության որակը, ֆիլտրել ու հասկանալ՝ արդյոք երկրի շահերից բխո՞ղ քննադատություն է»։
Ըստ մեր զրուցակցի՝ եթե իշխանություններին չքննադատեն, նրանք կարող են գնալ նախկինների ճանապարհով։
Ամբողջությամբ՝ տեսանյութում:
