Ներդրող Կարլ Այկանը հետ է կանչել Apple-ի բաժնետերերին ուղղված առաջարկը, որով նա խորհուրդ է տվել առնվազն 50 մլրդ դոլար ուղղել 2013-2014 ֆինանսական տարում (ավարտվում է սեպտեմբերին) բաժնետոմսերի հետգնմանը:
Պաշտոնական ուղերձում ներդրողը նշել է, որ ընկերությունն առանց այդ էլ վարում է իր բաժնետոմսերի հետգնման ագրեսիվ քաղաքականություն. անցած շաբաթ Apple-ը հայտարարել էր, որ առաջին եռամսյակի արդյունքները հայտարարելուց հետո երկու շաբաթվա ընթացքում բաժնետերերից հետ է գնել մոտ 14 մլրդ դոլարի արժեթուղթ: Այկանը կարծում է, որ ընկերությունն առանց իր նախաձեռնության մոտ է բաժնետոմսերի հետգնման պահանջվող ծավալի կյանքի կոչմանը: Այս մասին հայտնում է RBK-ն:
2013-ի վերջին Apple-ի ղեկավարությունը դիմել էր իր բաժնետերերին՝ Այկանի նախաձեռնությանը դեմ քվեարկելու խնդրանքով: Ընկերությունը հիմնավորել էր միջոցներ տնտեսելու անհրաժեշտությունը տեխնոլոգիական շուկայում կոշտ մրցակցությամբ:
Այկանին է պատկանում մոտ 2.5 մլրդ դոլարի Apple-ի բաժնետոմս (բաժնետիրական կապիտալի առնվազն 1 տոկոսը): Նրա առաջարկը պետ ք է քննարկվեր բաժնետերերի՝ փետրվարի 28-ին կայանալիք ամենամյա ժողովին:
