Եվրոպական ընկերությունը, որը հանդես է գալիս Պաղեստինի Գազայի հատվածի ծովային շրջափակման դեմ, հինգշաբթի օրը իռլանդական նավի շարժիչը շարքից հանելու փորձ կատարելու համար մեղադրել է իսրայելական հատուկ ծառայություններին: Այս մասին հաղորդում է SAFA ինտերնետ կայքը:
«Անհայտ ջրասույզները, ենթադրաբար Մոսադից, վնասել են իռլանդական նավի շարժիչը, երբ այն գտնվում էր թուրքական նավահանգստում՝ փորձելով կանխել նավի մեկնումը: Անսարքությունը վերականգնելու համար անհրաժեշտ կլինի մի քանի օր»,- ասել է այդ ընկերության ներկայացուցիչ Ռամի Աբդոն:
Իրավապաշտպաններն ասել են, որ պատրաստվում են այսօր հրապարակել մի տեսանյութ, որտեղ երևում է վնասված շարժիչը:
Հիշեցնենք, որ սա «Խաղաղության նավատորմի» երկրորդ փորձն է՝ բացելու 2006 թ. իսրայելական իշխանությունների կողմից իրականացվող Գազայի հատվածի շրջափակումը: Հիշեցնենք, որ այն սկսվել էր այդ թվականին իսրայելցի զինվոր Գիլաթ Շալիթի գերեվարությունից հետո: Ցայսօր զինվորը գտնվում է գերեվարության մեջ: «Խաղաղության նավատորմի» առաջին փորձի ժամանակ իսրայելյան սահմանապահների և հիմնականում Թուրքիայի քաղաքացիների բախման հետևանքով զոհվել էր 10 մարդ: