Այսօր՝ հունվարի 16-ին, ԱԺ-ն շարունակում է իր աշխատանքները: «Իմ քայլը» խմբակցությունը գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի պաշտոնում առաջադրել է Մխիթար Հայրապետյանի թեկնածությունը:
«Լուսավոր Հայաստան» խմբակցության պատգամավոր Սրբուհի Գրիգորյանը նկատեց, որ հանձնաժողովն իրականում շատ տարողունակ է. «Չեմ կարողանում պատկերացնել այդ հանձնաժողովի աշխատանքի արդյունավետությունը»:
Պատգամավորը հիշեցրեց, որ Կարո Փայլանին Թուրքիայի խորհրդարանը պատրաստվում է զրկել անձեռնմխելիությունից. «Այս հանձնաժողովը ինչպե՞ս է կանգնելու սփյուռքահայ մեր հայրենակցի կողքին»:
Ի պատասխան՝ Մխիթար Հայրապետյանն ասաց. «Եթե սփյուռքի նախարարությունն էլ լիներ, չեմ կարծում, որ այդ հարցում ինչ-որ բան փոխվեր կամ կարողանար ներազդել Թուրքիայի խորհրդարանի որոշման վրա»:
Մանրամասները՝ տեսանյութում:
