Սոցիալական ցանցը ցանկանում է «աջակցել տեղական լրատվամիջոցներին»:
Facebook-ը հայտարարել է երեք տարվա ընթացքում «լուրերի նախագծերի, գործընկերության և կոնտենտի» ուղղությամբ 300 միլիոն դոլարի ներդրում կատարելու մասին, հաղորդում է CNN-ը:
Միջոցների մի մասը ուղղվելու է ուղղակիորեն շահույթ չհետապնդող կազմակերպություններին, ինչպիսիք են Pulitzer հիմնադրամը, ինչպես նաև «տեղական լրատվական համակարգերը»:
«Մենք չենք ուզում, որ հրատարակիչները կախված լինեն մեզանից, բայց մենք ուզում ենք աջակցել նրանց»,- մեկնաբանության մեջ ասել է Facebook-ի գլոբալ լրատվական գործընկերության փոխնախագահ Քեմփբել Բրաունը: Հիմնական ուշադրությունը կուղղվի տեղական լրատվամիջոցներին, ասել է նա:
Ներդրումների համար Facebook-ում անկայուն ժամանակներ են: «Ընկերությունը պայքարում է բազմաթիվ այլ ճակատներում՝ գաղտնիության հետ կապված սկանդալներից մինչև չհաջողված արտադրանքի մեկնարկն ու ապատեղեկատվությունը: Սակայն, կարծես թե, ցանցն իր առաջ խնդիր է դրել բարելավել համբավը մեդիաինդուստրիայում»,- նշել է հեռուստաալիքը:
