Ազգային ժողովում մեծամասնություն կազմող «Իմ քայլը» դաշինքը որոշել է ԱԺ ընդդիմադիր նախագահի պաշտոնում չաջակցել ԼՀԿ թեկնածու Մանե Թանդիլյանին, որպեսզի չստացվի, թե իրենք «սիրելի» կամ «գրպանային» ընդդիմություն են ստեղծում։ ԱԺ նախագահ Արարատ Միրզոյանի այս դիտարկման վերաբերյալ լրագրողները այսօր հարց ուղղեցին ԼՀԿ-ին ԱԺ փոխնախագահի թեկնածու առաջադրված Մանե Թանդիլյանին։
Նա ասաց, որ առաջին անգամ լրագրողներից է լսում, թե «Լուսավոր Հայաստան» կուսակցությունը սիրելի է «Քաղաքացիական պայմանագրի» համար, քանի որ, ըստ Թանդիլյանի, բոլորը գիտեն, որ այդ երկու ուժերը տարբերվող դիրքորոշումներ ունեն տարբեր հարցերի վերաբերյալ։