Ծովային շրջագայությունը բավական տարածված հանգստի ձև է, բայց երբեմն զբոսաշրջիկները շատ բարդ և տարօրինակ սահմանափակումների են բախվում: Insider հրատարակությունը ընտրել է լայներների մի քանի կանոններ, գրում է life.ru-ն:
Մեծ թվով սահմանափակումներ կան զբոսաշրջիկների տարիքի հետ կապված: Այսպիսով, ընկերություններից ոմանք ութ տարեկանից ցածր ուղևորների չեն վերցնում: Իսկ մինչև 21 տարեկան ուղևորները կարող են նավ բարձրանալ միայն մեծահասակների ուղեկցությամբ:
Ոչ պակաս խիստ են ալկոհոլի օգտագործման կանոնները. որոշ նավերի ուղևորներ չեն կարող իրենց հետ ալկոհոլային խմիչք վերցնել:
Հատուկ ուշադրություն է դարձվում հագուստին. զբոսաշրջիկները կարող են հագնվել ցանկացած ոճով, բացառությամբ լողափի: Այնուամենայնիվ, շատ ընկերություններ ռեստորան այցելելու համար զբոսաշրջիկներին պարտադրում են հատուկ հագուստ կրել: Այսպիսով, արգելվում է ոտքերը մերկացնել, վերնաշապիկներ, բեյսբոլի գլխարկներ և երբեմն նաև ջինսեր կրել:
Անձնակազմի հետ հաղորդակցվելու արգելքը, «եթե դա աշխատողի մասնագիտական պարտականությունների մաս չէ», նույնպես վերաբերում է վարքի անսովոր կանոններին: Բացի այդ, որոշ նավերում չեք կարող սեղմել կապիտանի ձեռքը և այցելել նավախցիկ. այսպես ղեկավարները փորձում են կանխել տարատեսակ վիրուսների տարածումը:
