Ֆրանսիան կոչ է անում Իրանին դադարեցնել բալիստիկ հրթիռների հետ կապված ցանկացած գործունեություն, որոնք կարող են միջուկային զենք կրել: Այդ մասին հայտարարել է Ֆրանսիայի արտաքին գործերի նախարարության ներկայացուցիչը՝ տեղեկացնում է RIA Novosti-ն։
«Ֆրանսիան հիշեցնում է, որ իրանական հրթիռային ծրագիրը չի համապատասխանում ՄԱԿ-ի Անվտանգության խորհրդի 2231 բանաձևին: Այն կոչ է անում Իրանին՝ անհապաղ դադարեցնել բալիստիկ հրթիռների հետ կապված ցանկացած գործունեություն, որոնք կարող են միջուկային զենք կրել, ներառյալ բալիստիկ հրթիռների տեխնոլոգիայի օգտագործմամբ արձակումները»,- հայտարարել է ֆրանսիական գերատեսչության ներկայացուցիչը՝ մեկնաբանելով Իրանի նախագահ Հասան Ռոհանիի արած հայտարարությունը:
Ռոհանին, հունվարի 10-ին ելույթ ունենալով երկրի նախկին նախագահ Ալի Աքբար Հաշեմի Ռափսանջանիի (1989-1997 թվականներ) մահվան երկրորդ տարելիցին նվիրված արարողության ժամանակ, հայտարարել է, որ Իրանը պլանավորում է առաջիկա շաբաթներին երկու արբանյակ արձակել սեփական արտադրության հրթիռակիրներով:
Նախագահն ընդգծել է, որ «երկրի ներկայիս պաշտպանական կարողությունները Ռաֆսանջանիի վաստակն են»: «Հենց նա էր առաջինը, ով կարգադրություն արեց (միջուկային փորձարկումների համար) ցենտրիֆուգներ բերել Իրան՝ դրա շուրջ պայմանավորվելով Պակիստանի հետ»,- հավելել է քաղաքական գործիչը։
