«Քվեն ուժ է» ՀԿ-ն մտադիր է վերահսկել հանրապետությունում այսուհետ տեղի ունենալիք բոլոր ընտրությունները։ «Մեզ համար կարևոր է, որ ընտրությունները անցնեն օրինական, այդ դեպքում կլինի և լեգիտիմ, և թափանցիկ»,- ասում է ՀԿ-ի անդամ Արմեն Պողոսյանը, որ նաև Սպառողների միության նախագահն է։ Արմեն Պողոսյանը դրական է համարում Ընտրական օրենսգրքում կատարված փոփոխությունները, սակայն նշում է, որ կատարվել է մի բացթողում՝ քվեասենյակներում նկարահանող սարքերի տեղադրման անհրաժեշտություն չի սահմանվել, ինչը, ըստ բանախոսի, ավելի հուսալի է կեղծարարություններից խուսափելու համար։
«Մեր ՀԿ-ն շատ ավելի օբյեկտիվ կհետևի ընտրություններին, քան այլ դիտորդական առաքելություն անցկացնողները։ Պատճառը պարզ է. մենք չենք սնվում որևէ ուժի բյուջեից, միանգամայն անկախ ենք, ուստի կհետևենք, որ արդար ընտրություններ անցկացվեն»,- ասում է «Քվեն ուժ է» ՀԿ անդամ Նելլի Բաղդասարյանը։
