«Մենք այս պահին իրականում ունենք տապալված պետություն. սրա վերաբերյալ կան չափելի տվյալներ, որոնք վիճարկելի չեն»,- «Առաջին լրատվական»-ի հետ զրույցում ասաց քաղաքագետ Սուրեն Պետրոսյանը և հավելեց, որ այդ խնդիրը ոչ թե հետհեղափոխական է, այլ զարգացել է 20 տարիների ընթացքում:
Նրա խոսքով՝ այս պահին կան լուրջ մարտահրավերներ. նախ՝ հանրության մեծ սպասելիքները, որոնց հաջորդելու է անկում, որը կոչվում է հետավտորիտար դեպրեսիա. «Մենք սխալվելու իրավունք չունենք և ունենք քաղաքական կայունության անհրաժեշտություն, որի առաջին խնդիրը ընտրյալների, էլիտաների, վերնախավի համագործակցությունն է, ոչ թե ձախողումների վրա միմյանց հաշվին դիվիդենդներ հավաքելը: Եթե քաղաքականության տրամաբանությունը չբերենք համագործակցության դաշտ, ապա հիմնովին կտապալվենք»: Քաղաքագետը չի բացառում նաև, որ որոշ ժամանակ անց հասարակության մեջ ի հայտ գան նոստալգիկ երևույթներ:
Մեր զրուցակիցն ընդգծեց՝ ժողովրդավարությունը իրավական պետության կայացումն է, որտեղ պետք է գործեն բոլոր ինստիտուտները:
Հարցազրույցն ամբողջությամբ՝ տեսանյութում: