Այսօր առավոտյան Հունաստանի մայրաքաղաք Աթենքում կրկին տեղի են ունեցել բախումներ ոստիկանության և ցուցարարների միջև: Քաղաքի որոշ վայրերում ոստիկանները կիրառել են արցունքաբեր գազ: Այս մասին հաղորդում է «Ազատություն» ռադիոկայանը:
Ցուցարարներն ասել են, որ պատրաստվում են շրջապատել խորհրդարանը՝ տնտեսման կոշտ միջոցառումների օրինագծի ընդունումը թույլ չտալու համար։ Այն նախատեսում է բյուջետային ծախսերի մինչև 28 մլրդ եվրո կրճատում և հարկերի բարձրացում: Այս միջոցների կիրառումը համարվում է նախապայման, որը Հունաստանին է առաջադրել Արժույթի միջազգային հիմնադրամը և Եվրամիությունը՝ 12 մլրդ եվրոյի նոր օգնություն ցուցաբերելու համար:
Բախումները սկսվել են նախորդ օրը, երբ մեկնարկել է 48-ժամյա գործադուլ: Երեկ այդ բախումների ժամանակ վիրավորվել են տասնյակ մարդիկ: