Համացանցում է հայտնվել երկու գերհզոր GBU-57 Massive Ordnance Penetrator (MOP) ավիառումբերի փորձարկումները: Զինամթերքը նետել է ԱՄՆ ռազմաօդային ուժերի B-2 Spirit ռմբակոծիչը՝ Միսուրիում գտնվող Whiteman ռազմաբազայից:
GBU-57-ը գերհզոր, կարգավորելի հակաբունկերային ռումբ է, որը նախատեսված է լավ պաշտպանված ստորգետնյա շինությունների ոչնչացման համար: Դրա համար MOP-ը շատ ծանր է՝ 13.6 տոննա: Ռումբը կարող է մխրճվել 61 մետր խորության մեջ կամ ճեղքել 19 մետր երկաթբետոնե կառույց, որը համապատասխանում է վեց հարկանի շենքի բարձրությանը: Ռումբի հետագիծը շտկվում է իներտային և արբանյակային ուղեցույցների համակարգերով:
Ռումբը մշակվել է Boeing ընկերության կողմից 2007թ.-ին: Չորս տարի անց պայմանագիր է ստորագրվել ԱՄՆ զինված ուժերին 20 զինամթերքից կազմված առաջին խմբաքանակի մատակարարման մասին: Այնուամենայնիվ, զինվորականները հայտարարել են, որ GPU-57-ը բավականին հզոր չէ իր առջև դրված խնդիրների համար և MOP-ը բազմիցս վերամշակվել է, բարելավելով դժվար խոցելի և խորքային նպատակակետերին ազդելու համար:
Massive Ordnance Penetrator-ի միակ կրիչը ռազմավարական ռմբակոծիչ B-2 Spirit-ն է: Այս տեսակի բոլոր ինքնաթիռները կայանված են Միսուրիում գտնվող ԱՄՆ ռազմաօդյաին ուժերի Whiteman ավիաբազայում:
