Գիտնականները 3D տպիչով ձեռք են տպել, որով հնարավոր է դաշնամուր նվագել։ Այս մասին տեղեկացնում է Science Robotics ամսագիրը՝ ներկայացնելով Քեմբրիջի համալսարանի մի խումբ գիտնականների հոդվածը։
«Վերին վերջույթը» կազմված է ոսկրի նմանվող ամուր մասերից և ճկուն դետալներից, որոնք ջլերի դեր են խաղում։
Ռոբոտ-ձեռքը կարող է վերարտադրել առնվազն երեք տարբեր երաժշտական ֆրազներ՝ նվագելով ստակատո (ընդհատ-ընդհատ) և լեգատո (սահուն)։ Այն էներգախնայող է, ինչի շնորհիվ ապագայում արհեստական ինտելեկտին նեյրոնային ցանցի ուսուցման համար ավելի քիչ տվյալներ անհրաժեշտ կլինեն։
Քանի որ «վերջույթի» հենքը մարդկային ձեռքի ճիշտ պատճենումն է, ապա այն կարելի է օգտագործել մարդկային մարմնի մեխանիկան ուսումնասիրելու համար։
