ՀԱՊԿ նոր գլխավոր քարտուղարի նշանակման մասին Հավաքական անվտանգության խորհրդի որոշումը ստորագրելու ժամկետը որոշված չէ, այդ փաստաթուղթը պետք է ստորագրեն կազմակերպության անդամ երկրների բոլոր ղեկավարները։ Այս մասին հայտարարել է ՀԱՊԿ քարտուղարության մամուլի քարտուղար Վլադիմիր Զայնետդինովը՝ գրում է RIA Novosti-ն:
Ավելի վաղ Բելառուսի նախագահ Ալեքսանդր Լուկաշենկոն երկրի Անվտանգության խորհրդի պետքարտուղար Ստանիսլավ Զասի հետ աշխատանքային հանդիպում էր անցկացրել և ստորագրել վերջինիս կազմակերպության գլխավոր քարտուղար նշանակելու մասին ՀԱՊԿ Հավաքական անվտանգության խորհրդի որոշման նախագիծը:
Ավելի վաղ Զասն իր նշանակումը համաձայնեցնելու նպատակով արդեն այցելել էր ՀԱՊԿ անդամ երկրներից Ղրղզստան, Ղազախստան, Տաջիկստան և Ռուսաստան:
