ԱՄՆ նախագահ Դոնալդ Թրամփի որոշումը՝ Սիրիայից զորքերի դուրս բերման մասին, վտանգավոր և դրամատիկ է՝ գրում է The New York Times-ը:
Թերթը գրում է, որ ամերիկյան զորքերի դուրսբերումը Սիրիայից «նվեր» կլինի Ռուսաստանի նախագահ Վլադիմիր Պուտինին, քանի որ Մոսկվան փորձում է նվազեցնել Վաշինգտոնի ազդեցությունը տարածաշրջանում, ինչպես նաև Իրանին, որն ընդլայնել է իր ներկայությունը Սիրիայում:
Թերթը նշում է նաև, որ զորքերի դուրսբերման որոշումը «կտրված է ցանկացած ընդարձակ ռազմավարական համատեքստից» և չի բխում ամերիկյան հասարակության շահերից: Բացի դրանից, դա նոր անորոշություն է ստեղծել Մերձավոր Արևելքի հանդեպ ԱՄՆ-ի դիրքորոշման, նրա գլոբալ առաջնորդ լինելու պատրաստակամության մասին և Թրամփի դերի որպես գլխավոր հրամանատարի հարցերում:
