ՌԴ քաղաքացիներն ընտրել են տարվա մարդկանց քաղաքական գործիչների շրջանում: Ինչպես հաղորդում է vesti.ru-ն, ցանկը գլխավորել են ՌԴ նախագահ Վլադիմիր Պուտինը և ԱԳ նախարար Սերգեյ Լավրովը:
Այս մասին հետևում է «Հասարակական կարծիք» հիմնադրամի անցկացրած հարցման տվյալներից: Հարցումը, որին 1500 մարդ է մասնակցել, անցկացվել է 2018-ի դեկտեմբերի 8-9-ը ՌԴ 104 բնակավայրում:
Վլադիմիր Պուտինի օգտին է պատասխանել հարցվորների 29 տոկոսը՝ նշելով, թե ռուս քաղաքական կամ հասարակական գործիչներից ում են համարում տարվա մարդ:
Երկրորդ տեղում է արտաքին գործերի նախարար Սերգեյ Լավրովը (7%), երրորդ հորիզոնականը զբաղեցրել է Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին (4%): Պաշտպանության նախարար Սերգեյ Շոյգուն ստացել է 3 ձայն:
Պատասխանողների 34 տոկոսը դժվարացել է պատասխանել, իսկ 17 տոկոսը նշել է, որ իրենց կարծիքով նման քաղաքական կամ հասարակական գործիչներ չկան:
