Ֆինլանդիայում գարնանը մեկնարկում է կանանց բանակային ծառայությունում ներգրավելու փորձը: Դա ծրագրվում է անել նամակների միջոցով, որոնք կուղարկի ՊՆ-ն:
ITAR-TASS-ը, հղում անելով երկրի պաշտպանության նախարար Կարլ Հագլունդին, որի նախաձեռնությամբ էլ կիրականացվի փորձը, որպես թիրախային խումբ ընտրված են 19-20 տարեկան աղջիկները, ովքեր բնակվում են Ֆինլանդիայի արևելյան Բիրկալանդ մարզում: Նրանք բոլորը նամակ կստանան զինվորական ծառայության անցնելու մասին տեղեկությամբ և հանդիպման հրավերով, որի ժամանակ կարող են տալ առաջացած հարցերը: Այցելությունն այդ հանդիպումներին կլինի կամավոր հիմունքով:
Դրանից բացի, ֆիննական զինված ուժերը ծրագրում են մեծացնել իրենց ակտիվությունը սոցիալական մեդիայում:
Եթե փորձը հաջողվի, զորակոչի այդ մոդելը կտարածվի Ֆինլանդիայի ողջ տարածքում:
Ներկայումս ֆիննական բանակում հաշվվում է մոտ 37 հազար մարդ: Տարեկան զորակոչի տարիքի է հասնում ավելի քան 20 հազար երիտասարդ և նույնքան էլ աղջիկ: Աղջիկները դեռևս 1995-ին ստացել են ցանկությամբ ծառայություն անցնելու հնարավորություն: Ամեն տարի ֆիննական բանակը վերցնում է մոտ 500 այդպիսի կամավորի: Ի տարբերություն շատ այլ երկրների, Ֆինլանդիայում կանանց թույլատրվում է ծառայել բոլոր տեսակի զորքերում: