Իսրայելում գիտնականներին հաջողվել է հայտնաբերել Երկրի վրա հավանաբար ամենահին վայրը, որը մարդու կողմից կիրառվել է սննդի պատրաստման նպատակով կանոնավոր կերպով կրակ վառելու համար: Հնագույն օջախը Կեսեմ քարանձավն է, որը գտնվում է Ռոշ-Աին քաղաքի մոտ: Այս մասին հայտնում է NEWSru Israel-ը:
Քարանձավի կենտրոնից վերցված հողի ստուգումը թույլ է տվել պարզել այդ վայրում կրակի օջախի ամենավաղ ժամանակահատվածը՝ 300 հազար տարի առաջ՝ ասվում է Վայցմանի ինստիտուտի և Թել-Ավիվի համալսարանի գիտնականների հետազոտությունում:
Գիտնականները կարծում են, որ մարդը սովորել է կրակից օգտվել մոտ մեկ միլիոն տարի առաջ, սակայն մինչ օրս սննդի պատրաստման նպատակով մշտապես կրակի կիրառման վկայությունների վաղեմությունը գնահատվել է 110 հազար տարի (Զամբիա):
Պեղումները Կեսեմ քարանձավում անցկացվում են 2000 թվականից:
