ՀՀ արտահերթ խորհրդարանական ընտրությունների ընթացքում կիրառվում են բազմաթիվ վերահսկողական մեխանիզմներ: Ընտրատեղամասերում տեղադրվել են տեսախցիկներ, որոնք հնարավորություն են տալիս քաղաքացիներին տանը նստած հետևել քվեարկության ընթացին: Այս մասին ՀՀ կենտրոնական ընտրական հանձնաժողովի տեղեկատվական կենտրոնում նշեց հանձնաժողովի անդամ Գեորգի Մարտիրոսյանը:
«ԱԺ ընտրություններին ժամանակ կարող է լինել միաժամանակ երկու վստահված անձ: Նաև մեկը մեկին վերահսկելու գործընթացը պահպանում է բավականին կայուն վիճակ: Լայն վերահսկողական մեխանիզմներ են գործում: Ընտրությունների արդյունքների ամփոփման ժամանակ նաև կարող է մասնակցել յուրաքանչյուր քաղաքական ուժից մեկական թեկնածու, որը զերծ կպահի հետագայում այն խոսակցություններից, թե քվեաթերթիկներ են փոխել կամ այլն: Նման խոսակցություններ չեն լինելու` հաշվի առնելով մինչ այս պահը ոչ այդպիսի լուրջ խախտումները: Ամեն ինչ բնականոն հունով է ընթանում»,- ասաց Մարտիրոսյանը:
Նա նաև տեղեկացրեց, որ ընտրողներն ահազանգում են որոշ միջադեպերի կամ ընտրատեղամասում տեսած եղած որևէ դեպքի կամ իրենց իրավունքի խախտման մասին: Նրանք ահազանգեր են կատարում ոստիկանություն, ԿԸՀ թեժ գծին: Իսկ դիտորդական առաքելություններն այցելում են ընտրատեղամասեր` ահազանգերի պատճառով:
Մարտիրոսյանը հույս հայտնեց, որ եթե բոլորն իրենց տեղերում իրենց աշխատանքը կատարեն ճիշտ, չչարաշահեն իրենց իրավունքները, ապա ամեն ինչ բնականոն ընթացքով կընթանա մինչ ժամը 20:00-ը:
