Գաստրոնոմիական ճանապարհորդությունը կարող է ամենաանմոռանալին դառնալ վառ խոհարարական տպավորությունների շնորհիվ: Ռեստորանները կարող են տպավորել հյուրերին ոչ միայն շեֆ խոհարարների պատրաստած համեղ ուտեստներով, այլև աշխարհագրական դիրքով ու դրանից բացվող տեսարանով: Այս մասին գրում է РИА Новости-ն՝ ներկայացնելով մի շարք ուշագրավ ռեստորաններ աշխարհի տարբեր անկյուններից:
1. Զանզիբար, Տանզանիա
Ռեստորանը տեղակայված է Հնդկական օվկիանոսում գտնվող ոչ մեծ ժայռի վրա: Պատերը կավից են, իսկ տանիքը՝ ծղոտից: Այն կարող է 40 հյուրի տեղավորել:
2. Հուաշան լեռ, Չինաստան
Այս լեռը հանդիսանում է դաոսականության հինգ սուրբ լեռներից մեկը և հայտնի է դժվարանցանելիությամբ: Համարվում է, որ այս «երկնային աստիճանով» անցնող ճանապարհը կարող են հաղթահարել եզակի խիզախ մարդիկ:
3. Շամոնի, Ֆրանսիա
Լեռնագագաթի 3800 մետր բարձրության վրա տեղակայված ռեստորանից ուշագրավ տեսարան է բացվում, որն էլ տեսնելու համար ճոպանուղով այնտեղ են ուղևորվում զբոսաշրջիկները ողջ աշխարհից:
4. Վայսբադ, Շվեյցարիա
Շվեյցարական Ալպերի այս բարձրադիր վայրերում նախկինում եղել են հովիվների կացարանները, սակայն այստեղից բացվող հիասքանչ տեսարանի շնորհիվ այժմ հովվական կացարանի փոխարեն այստեղ հյուրանոց և ռեստորան է տեղակայված:
5. Լանսարոտե կղզի, Իսպանիա
Եզակի ռեստորանի միտքը պատկանում է մի քանդակագործի, ով իր ճարտարապետ ընկերների հետ միասին գրիլի հսկայական սարքավորում է տեղադրել ոչ մեծ հրաբխի խառնարանի գլխավերևում:
