Ղրիմի խորհրդարանի ղեկավարությունն արգելել է Ինքնավար Հանրապետության տարածքում համաուկրաինական «Ազատություն» միավորման և արմատական բնույթ ունեցող այլ կառույցների գործունեությունը` «որպես սպառնալիք ազգային միասնականությանը, հանրային անվտանգությանը և կարգուկանոնին»:
Այս մասին նշվում է այսօր հրապարակված «Ղրիմի Ինքնավար Հանրապետության տարածքում կարգուկանոնի պահպանման և հանրային անվտանգության ապահովման միջոցառումներին համագործակցության մասին» որոշման մեջ:
Փաստաթղթում նշվում է, որ Ուկրաինայի ՆԳ նախարարության գլխավոր բաժանմունքը պետք է «օգտագործի օրենսդրությանը չհակասող բոլոր լիազորությունները և միջոցները` քաղաքացիների կյանքը, առողջությունը, իրավունքները և ազատությունը ապօրինի ոտնձգություններից պաշտպանելու համար»,- հաղորդում է ITAR-TASS-ը:
