Շոտլանդացի տարեց զույգը, որն ուղևորվել էր հանգստի ամերիկյան Փասադենա քաղաք, դուրս գալով իրենց վարձու բնակարանից՝ չէր նկատել տան շեմին գտնվող արջին: Դեպքի հետևանքով ոչ ոք լուրջ վնասվածքներ չի ստացել, հայտնում է Sky News-ը:
Բոբ ու Այրին Մաքիոնների դուրս գալը տնից ֆիքսել են տեսահսկման սարքերը: Տեսագրություններից երևում է, թե ինչպես են թոշակառուները լքում տարածքը, իսկ արջը գտնվում է նրանցից մի քանի մետրի վրա:
Զույգը հանգիստ փակում է դուռն ու հեռանում՝ ուշադրություն չդարձնելով կենդանու վրա:
Արջին զույգը նկատում է միայն այն ժամանակ, երբ կենդանին հետևում է նրանց ու ճանկռտում շոտլանդացուն: Տղամարդու ստացած վնասվածքներն աննշան են եղել, ինչի հետևանքով նրան չեն հոսպիտալացրել
Հայտնի չէ, թե ինչպես են տարածքից հեռացրել արջին:
