Վրաստանի կառավարությունը ընթացիկ տարում մորատորիում կհայտարարի առաջին կատեգորիայի ծառայողական ավտոմեքենաների ձեռքբերման համար: Այս մասին հայտնում է Gazeta.ru-ն:
Բացի այդ, երկրի վարչապետ Իրակլի Ղարիբաշվիլին կոչ է արել նախարարություններին իրենց ավտոպարկից վաճառքի դուրս բերել թանկարժեք ավտոմեքենաները:
Ղարիբաշվիլին նշել է, որ մեքենաների վրա տնտեսված միջոցները նախարարությունները կարող են օգտագործել, օրինակ, աշխատակիցների որակավորման բարձրացման համար:
Ավելի վաղ հաղորդվել էր, որ Վրաստանում սահմանվում է պետական ծառայողների համար ծառայողական մեքենաների ձեռքբերման միասնական չափորոշիչ: Դրա մշակման անհրաժեշտության մասին վրացական կառավարությունում հայտարարել էին պաշտոնատար անձանց համար շքեղ մեքենաների ձեռքբերման մրցույթներին առնչվող մի շարք սկանդալներից հետո:
