Ինչպես հաղորդում է PopEater կայքը, Քիմ Քարդաշյանն ու նրա փեսացուն՝ բասկետբոլիստ Քրիս Հեմֆրիսը, ընտրել են իրենց հարսանեկան արարողության օրը: Սակայն դա գաղտնի են պահում և դեռ չեն հայտնել ԶԼՄ-ներին:
«Ինձ ասել են օրը»,- հայտարարել է «Այսօր» հեռուստաշոուի վարող Քեթի Լին՝ հրաժարվելով բացահայտել այն, և նշել է, որ ինքն էլ է հրավիրված հարսանիքին: Ըստ կայքի՝ նաև հայտնի չէ, թե ինչ զգեստ է կրելու Քիմը, սակայն հայտնի է, որ նա ուզում է հագնել հինհոլիվուդյան ոճի զգեստ:
Կայքի աղբյուրները նշել են, որ հարսանեկան արարողությունը լինելու է օգոստոսի սկզբին: «Նրանք փնտրում են Լոս Անջելեսում մի այնպիսի վայր, որ հյուրերը հնարավորինս հեշտ հասնեն արարողությանը»,- ասել է աղբյուրը: Ավելի վաղ տեղեկություններ էին հաղորդվել, որ Քիմն ու Քրիսը նախատեսել են մեծ հարսանիք, որը երկու ժամ հեռարձակվելու է հեռուստատեսությամբ. «Քիմն իրոք ուզում է, որ երկրպագուներն իր հետ նշեն նրա կյանքի ամենակարևոր օրը»,- ասել է աղբյուրը:
