Բրազիլական Բահիա նահանգի Իթաժուիպի քաղաքում հայտնաբերված տղամարդը ենթադրվում է, որ ծնվել է 1900թ.-ին: Եթե երկարակյացի տարիքը հաստատվի, ապա նա կճանաչվի աշխարհի ամենատարեց մարդը, հայտնում է Daily Mail-ը:
Ծննդյան վկայականի համաձայն, Ժոզե Ֆերերա դոս Սանթոսը ծնվել է 1900թ.-ի նոյեմբերի 9-ին Բարաքան գյուղում, որի տարածքում հիմա Ռիու Ռեալ քաղաքն է: Այսպիսով, նա երկու տարով մեծ է մոլորակի ամենատարեց բնակիչ համարվող 115-ամյա ճապոնացի Քանե Տանակիից:
Տարիքով պայմանավորված, տարեց մարդու համար դժվար է կանգնել և քայլել: Ժամանակի մեծ մասը նա անցկացնում է նստած կամ պառկած: Նախքան կենսաթոշակի անցնելը Սանթոսը 58 տարի աշխատել է ֆերմայում:
1940թ.-ին Սանթոսն ամուսնացել է 20-ամյա Լինդաուրե Ռոշե դե Ժեզուսի հետ, որը 20 տարով ավելի երիտասարդ էր: Այժմ Լինդաուրեն 98 տարեկան է:
