Լոնդոնում, հաջորդ տարվա փետրվարի 25-ից, հանրային տրանսպորտում արգելվելու է արագ սննդի գովազդը: Քաղաքապետ Սադիկ Խանը նշել է, որ այս կերպ նա փորձում է պայքարել մանկական ճարպակալման դեմ, որն անվանել է «դանդաղ ազդեցության ռումբ»:
Մետրոյից, տրամվայներից և ավտոբուսներից կվերանան ճարպի, աղի ու շաքարի մեծ պարունակությամբ սննդամթերք և ընպելիքներ գովազդող պաստառները, հաղորդում է ВВС-ին:
Բացի այդ, դրանք կարգելվեն նաև Լոնդոնի տրանսպորտային վարչության կողմից վերահսկվող ճանապարհներն, կանգառներներում, տաքսիներում, գետային տրանսպորտում, Emirates Air Line-ում և Victoria ավտոկայանում:
Սակայն, գովազդային գործակալությունների ասոցիացիան համոզված է, որ արգելքը քիչ ազդեցություն կունենա ճարպակալմանը նպաստող ավելի լայն սոցիալական խնդիրների առկայության պայմաններում: Բացի այդ, դա կարող է հանգեցնել տրանսպորտի թարկացման, քանի որ Լոնդոնի տրանսպորտի վարչությունը կկորցնի գովազդից ստացվող եկամուտը, որն էլ կազդի տոմսերի գների վրա:
