Այս ձմեռ ԱՄՆ արևելյան առափնյա շրջանների երկնքում հայտնվել են բազմաթիվ սպիտակ բևեռային բուեր: Այս արտասովոր երևույթի պատճառը դժվարանում են բացատրել նույնիսկ մասնագետները:
ԱՄՆ մայրաքաղաքի կենտրոնում սպիտակ բուի լուսանկարը հրապարակել է The Washington Post թերթը: Ուրբաթ օրը այդ թռչուններից մեկը հայտնվել է հենց պարբերականի խմբագրությունում:
Հայտնի է դարձել, որ բուերը, որոնց ամերիկացիները համարում են «ձյունե», ի հայտ են եկել ողջ ատլանտյան առափնյա շրջանով՝ ներառյալ Ֆլորիդան:
Իսկ Բոստոնի միջազգային օդանավակայանից անվտանգ վայրեր են տեղափոխվել 53 բուեր: Սովորաբար դրանք 5-6-ից շատ չեն լինում: Մասնագետի խոսքերով՝ թռչուններին գրավում է օդանավակայանի ընդարձակ և ամայի տարածությունը, քանի որ հիշեցնում է հարազատ տունդրան:
