GSV Capital Corp ներդրումային հիմնադրամը գնել է Facebook սոցիալական ցանցի 225 հազար բաժնետոմս՝ 6.6 միլիոն դոլար ընդհանուր արժողությամբ: Այս մասին հաղորդում է Reuters գործակալությունը: Աշխարհի խոշորագույն սոցցանցի մեկ ակցիայի գինը կազմել է 29.28 դոլար:
Sharepost ընկերության տվյալներով՝ բաժնետերերին է պատկանում 2.4 մլրդ ակցիա, ինչը նշանակում է, որ այս պահին Facebook-ի կապիտալիզացիան կազմում է 70 մլրդ դոլար: Հիմա ողջ ֆինանսական աշխարհը սպասում է Facebook-ի կողմից իրականացվելիք IPO-ին, երբ վաճառքի են հանվելու նրա ակցիաները: Այս ցուցանիշներով Facebook-ը փոքր-ինչ զիջում է, օրինակ, Amazon.com Inc-ին, Cisco Systems Inc.-ին և Hewlett-Packard Co.-ին:
