Թինա Նիսը 38 տարեկան էր, երբ բելգիացի բժիշկները նրա մոտ աուտիզմ են ախտորոշել և էվթանազիայի ենթարկել: Սակայն կնոջ հարազատները պնդում են, որ նա լիովին առողջ է եղել, ուղղակի տառապել է անհաջող հարաբերությունների պատճառով, հայտնում է Daily Mail-ը:
2010թ. էվթանազիայի ենթարկված հիվանդի հարազատները արևելյան Ֆլանդրիայի երեք բժիշկների մեղադրել են սպանության մեջ: Նրանք կկանգնեն դատարանի առջև: Բժիշկները Թինա Նիսի մոտ աուտիզմ են ախտորոշել և դա բավարար են համարել նրան կյանքից զրկելու համար: Սակայն մահացած կնոջ քույրերը՝ Լոտեն և Սոֆին պնդում են, որ հիվանդության ախտանիշները իմիտացված են եղել:
Թինայի քույրերը հաստատում են, որ նախկինում նա բուժվել է հոգեկան խանգարումից, սակայն էրվթանազիայի ժամանակ լիովին առողջ է եղել: Ըստ նրանց, կինը ծանր ապրումների մեջ է եղել սիրելիից բաժանվելու հետո, ինչն էլ նրան դրդել է գնալու այդ քայլին: Թինայի հարազատները համոզված են, որ իրականում նա որակյալ հոգեբանի օգնության կարիք ուներ և բժիշկները նրան կյանքից զրկելու ոչ մի պատճառ չունեին:
2002թ.-ից, երբ Բելգիայում ապաքրեականացվել է էֆթանազիան, ոչ մի բժիշկ դեռ դատարանի առջև չի կանգնել
Հավանական է, որ այս դեպքում էլ բժիշկները խուսափեն պատասխանատվությունից, քանի որ Թինայի քույրերը բժշկական սխալն ապացուցող ոչ մի հիմնավոր փաստարկ դեռ չեն բերել:
