Քաղտեխնոլոգ Վիգեն Հակոբյանի կարծիքով՝ եթե ֆորմալ տեսակետից մոտենանք, բոլորն էլ վաղուց սկսել են իրենց ընտրարշավը, և միայն իշխող ուժին այս իմաստով մեղադրելը ճիշտ չէ: «Եթերում յուրաքանչյուր քաղաքական գործչի հայտնվելը հենց այդ մասին է խոսում»,- «Առաջին լրատվական»-ի հետ զրույցում ասաց նա։
Վիգեն Հակոբյանի խոսքով՝ մինչ այս պահը որևէ ծրագրային դեբատի ու բանավեճի ականատեսը չենք եղել. «Քննադատել, անցյալը մեջբերել… բայց անկախ նրանից՝ մեր դուրը գա, թե ոչ, դա նախընտրական շրջանի ատրիբուտներից է։ Նույնիսկ Միացյալ Նահանգներում է այդպես։ Չեմ կարծում, թե այս ընտրություններում ծրագրային, գաղափարական պայքարը կլինի դոմինանտ»։
Ըստ նրա՝ բանավեճ կլինի արտաքին քաղաքական կողմնորոշումների, այսօրվա իշխանության և ՀՀԿ-ի միջև՝ Արցախյան հարցի շուրջ. «ՀՀԿ ցուցակում կա մարդ, ով հենց դրանով էլ զբաղվելու է»։
Այս ընտրությունների յուրահատկություններից մեկն այն է, ըստ մեր զրուցակցի, որ բացի մի ուժից՝ ոչ ոք իշխանության համար չի պայքարում. «Բոլորը պայքարում են երկրորդ, նույնիսկ երրորդ տեղի համար»։
Հարցազրույցն ամբողջությամբ՝ տեսանյութում:
