Հոնկոնգի կառավարությունը որոշել է հետևել մի շարք երկրների օրինակին և իրականացնել մաքսանենգ փղոսկրի ոչնչացման մասշտաբային ակցիա: Կառավարությունը կարգադրել է այրել փղոսկրի և դրանից պատրաստված իրերի՝ աշխարհում ամենամեծ խմբաքանակը՝ ավելի քան 28 տոննա: Այս մասին հայտնում է ITAR-TASS-ը:
Իշխանությունները ցանկանում են դրանով ազդանշան տալ այն մասին, որ չեն հանդուրժի անօրինական առևտուրն ու մաքսանենգությունը մեգապոլսում, որը դարձել է փղոսկրի համար Աֆրիկայից Չինաստան փոխադրվող փղոսկրի համար տարանցման կետ:
Ոչնչացման ենթակա ժանիքները կմասնատեն ու կայրեն հատուկ վառարաններում՝ 800-1000 Ցելսիում ջերմաստիճանի պայմաններում:
Այդ գործընթացը կիրականցվի փուլ առ փուլ և կարող է 1-2 տարի տևել՝ հայտնել է Հոնկոնգի գյուղատնտեսության, ձկնորսության ու բնության պահպանման հարցերով դեպարտամենտի ներկայացուցիչը: Որոշակի փոքր մաս կպահպանվի գիտական և կրթական նպատակների համար:
Ողջ աշխարհում փղոսկրի առևտուրն արգելված է 1989 թվականից: Փորձագետների գնահատականներով՝ փղոսկրի առևտրի մոտ 70 տոկոսը բաժին է ընկնում Չինաստանին:
