ԱՄՆ նախագահ Դոնալդ Թրամփի իմպիչմենտը կոնգրեսի միջանկյալ ընտրություններում տեղերի մեծամասնությունը գրավելուց հետո ԱՄՆ Ներկայացուցիչների պալատի վերահսկողությունը ստանձնած նոր կազմի դեմոկրատների առաջնահերթությունների ցուցակում չէ, հաղորդում է Associated Press-ը:
Ներկայացուցիչների պալատում դեմոկրատական փոքրամասնության առաջնորդ Նենսի Փելոսին հստակեցրել է, որ դեմոկրատների նոր մեծամասնությունը, որոնք կաշխատեն հաջորդ տարվանից՝ ԱՄՆ նախագահ Դոնալդ Թրամփի վարչակազմի հետաքննության հարցում «անկազմակերպ մոտեցում» չի ցուցաբերի:
Հաջորդ կոնգրեսում կուսակցական փոքրամասնության նոր առաջնորդ դարձած Հանրապետական կուսակցության ներկայացուցիչ Քեվին Մաքարթնին կարծում է, որ դեմոկրատները հիմք են դնում Թրամփի իմպիչմենտի համար: «Մենք գիտենք, որ դեմոկրատները ծրագիր ունեն. նրանք փորձելու են ձախողել, փորձելու են հասնել իմպիչմենտի», – ասել է նա:
Նորընտիր դեմոկրատ Էլիսա Սլոթքինը նշել է, որ Թրամփի իմպիչմենտը օրականգում առաջինը չէ, որովհետև իրենց ընտրել են մի շարք կարևոր խնդիրների, այդ թվում առողջապահության ոլորտին ուշադրություն դարձնելու, այլ ոչ Վաշինգթոնի ներքին գործերից խոսելու համար:
