ԱՄՆ-ը համաձայն է, որ Դամասկոսի իշխող վարչակարգի կողմից մարդկության դեմ ենթադրյալ հանցագործությունների մասին տվյալները ստուգման կարիք ունեն: Ինչպես հաղորդում է ITAR-TASS-ը, դա հաստատաել է ԱՄՆ պետդեպարտամենտի մամլո ծառայության ղեկավարի տեղակալ Մարի Հարֆը:
Հարֆի խոսքով՝ ԱՄՆ-ը աշխատում է նոր լուսանկարների իսկությունը պարզելու վրա, որոնք վկայում են Սիրիայում բարբարոսությունների մասին:
«Իհարկե, մենք կարծում ենք, որ նման տեսակի հանցանշանները պետք է ստուգվեն»,- ասել է Հարֆը:
Միևնույն ժամանակ նա պնդել է, որ լուսանկարներում հրապարակված կադրերն ամբողջությամբ համապատասխանում են նրան, ինչ տեսել են Ալ-Ասադի վարչակարգի կողմից:
«Մենք բազում ապացույցներ ենք տեսել այն բանի, որ նա կատարել է ռազմական հանցագործություններ: Մենք տվյալ դեպքում պատճառներ չունենք կասկածելու լուսանկարների իսկության վրա»,- հավելել է ամերիկացի դիվանագետը:
Նա նշել է, որ ԱՄՆ իշխանություններն այդ ֆոտոարխիվի մասին իմացել են 2013թ. նոյեմբերին և ստացել են դրանում ներառված նյութերի հասանելիություն: Հարֆի խոսքով՝ ամերիկյան վարչակազմը հրապարակայնորեն չի խոսել այդ թեմայի շուրջ՝ ելնելով աղբյուրի անվտանգության նկատառումներից, որը ֆոտոնյութերը փոխանցել է Արևմուտքին:
