Opportunity մարսագնացը Մարսի վրա Endeavour խառնարանում հայտնաբերել է ջրի հետքեր: Այս մասին գրում է ITAR-TASS-ը՝ վկայակոչելով Փասադինի ռեակտիվ շարժման լաբորատորիայի ներկայացուցիչներին:
Գիտնականների տվյալներով՝ հողից վերցված փորձանմուշը ցույց է տվել, որ 3.7 մլրդ տարի առաջ գոյություն է ունեցել PH չեզոք ջուր: Դա հիմքեր է տվել ենթադրելու, որ այնտեղ կան կենսական նպաստավոր պայմաններ:
Դրա հետ մեկտեղ՝ հետազոտողները դեռևս չեն կարող վստահաբար հաստատել, որ անցյալում Մարսի վրա գոյություն են ունեցել միկրոօրգանիզմներ: Վաշինգտոնի համալսարանի պրոֆեսոր Ռեյմոնդ Արվիդսոնի կարծիքով՝ ժամանակի ընթացքում ջրի բաղադրությունը սկսել է փոխվել, այն ավելի աղի է դարձել, փոխվել է դրա թթվայնությունը, ինչը զգալիորեն խոչընդոտել է ցանկացած միկրոօրգանիզմների կյանքի շարունակության համար:
