ԱՄՆ Լուիզիանա նահանգում ամուսնական զույգը Գոհության օրվա առիթով տանը մեծ մաքրություն անելիս վիճակախաղի տոմս է գտել։ Fox News-ի տեղեկացմամբ՝ ամուսինները 1,8 մլն դոլար են շահել։
Հարոլդ և Թինա Էխրենբերգ ամուսինները պահարանի դարակում վիճակախաղի հին տոմսեր են գտել։ Նրանք, այնուամենայնիվ, որոշել են ստուգել դրանք․ պարզվել է, որ տոմսերից մեկի թվերը համապատասխանում են շահող տոմսի թվերին։ Շահած տոմսի պիտանելիության ժամկետը պիտի լրանար երկու շաբաթ անց։
Ամուսինները նշել են, որ առայժմ ոչ մի ծրագիր չունեն շահած գումարը օգտագործելու հետ կապված։
