Կիևի կենտրոնում հավաքված ցուցարարները մերժել են Գրուշևսկի փողոցից հեռանալու ՆԳՆ առաջարկը. համաձայն հրադադարի պայմանների՝ դրա դիմաց իշխանությունները պետք է ազատ արձակեին միլիցիայի հետ բախումների ժամանակ բերման ենթարկվածներին: Ինչպես արդեն տեղեկացրել ենք՝ իշխանության առաջարկած պայմանները չեն ընդունվել:
Գիշերվա ընթացքում Ուկրաինայի մայրաքաղաքում ևս մի քանի բարիկադներ են կանգնեցվել, այդ թվում՝ նախագահի վարչակազմի շենքից ոչ հեռու, ինչպես նաև Գրուշևսկի փողոցում, որտեղ չորեքշաբթի տեղի են ունեցել ցուցարարների հետ հատուկ ջոկատայինների ամենակատաղի մարտերը:
Վերջին ժամերին նոր ընդհարումներ տեղի չեն ունեցել Եվրամայդանի ինքնապաշտպանության ջոկատների ու հատուկ ջոկատայինների միջև՝ հայտնում է BBC-ն:
