Այն բանից հետո, երբ Ուկրաինայի նախագահ Վիկտոր Յանուկովիչը բանակցությունների է գնացել ընդդիմության հետ, Ռուսաստանը հայտարարել է, որ Ուկրաինային վարկի տրամադրումը կախված է նրանից, թե ինչ զիջումների կգնա երկրի նախագահը:
Ինչպես հաղորդում է MIGNews իսրայելական գործակալությունը, վկայակոչելով Ռուսաստանի նախագահի վարչակազմին մոտ կանգնած իր աղբյուրին, դեռևս խոսք չկա Ռուսաստանի կողմից վարկերի տրամադրման դադարի մասին, սակայն բոլորը հասկանում են, որ եթե Ուկրաինայում քաղաքական վտանգներն աճեն, եթե հայտնվի իշխանփոխության վտանգ, ապա իրավիճակը կրկին կվերլուծեն:
Ռուսաստանի դիրքորոշումը սկզբունքային է, որը պայմանավորված է ԵՄ-ի հետ Ասոցացման համաձայնագրի նախագծով, ավելի ճիշտ՝ ոչ թե համաձայնագրի փաստով, այլ հստակ դրույթներով: Եթե մնան նույն դրույթները, Ռուսաստանի դիրքորոշումը ևս անփոփոխ կմնա, իսկ եթե հայտնվեն այլ դրույթներ, Ռուսաստանը կզբաղեցնի այլ դիրքորոշում` հայտարարել է աղբյուրը:
