Ամերիկացի գիտնականները քայլ առաջ են կատարել շիզոֆրենիայի բնույթը հասկանալու գործում: Այս մասին ասվում է հոդվածում, որը հրապարակված է գիտական Nature ամսագրում:
Ներկայացվել են շիզոֆրենիայով 2536 հիվանդների ու 2543 առողջ կամավորների ԴՆԹ-ների արդյունքները, որոնք հավաքվել էին Շվեդիայի Կարոլինյան ինստիտուտում:
Համեմատելով գենոմները՝ գիտնականները նկարագրել են մուտացիաները տասնյակ տարբեր գեներում, ընդ որում՝ ամեն նման մուտացիան բավական հազվադեպ իրադարձություն է:
«Շիզոֆրենիայի մուտացիաները» անհամեմատ ավելի են, քան կարծում էին նախկինում:
Համեմատելով ծնողների ու երեխայի գենոմները՝ գիտնականները որոշում են, այսպես կոչված, մուտացիաները, որոնք չկան ծնողների մոտ, սակայն առկա են երեխաների մոտ:
Դա նշանակում է, որ տվյալ մուտացիաները առաջացել են սեռական բջիջների ձևավորման ժամանակ:
Գենետիկները հաշվարկել են, որ «դե նովո» մուտացիաները նուկլեոտիդների փոխարինողներ են, որոնք պատասխանատու են շիզոֆրենիայի առաջացման 5%-ի համար:
