Ամերիկյան դերասանուհի և երգչուհի Մենդի Մուրը խոսել է արքայազն Հարիի տիկնոջ՝ Մեգան Մարքլի մասին։ Այդ մասին գրում է Fox News-ը։
Նշվում է, որ հարցազրույցներին մեկի ժամանակ Մուրին ցույց են տվել 2006 թվականի մի լուսանկար, որում նա պատկերվել է մի քանի մարդկանց՝ այդ թվում և Մեգան Մարքլի հետ։
Դերասանուհին շատ է զարմացել տեսնելով լուսանկարը և պատմել է իրենց ծանոթության պատմությունը։ Մուրը խաղացել է մի ֆիլմում, որի պրոդյուսերը Մեգան Մարքլի նախկին ամուսինն է եղել և նա շատ ժամանակ է անցկացրել Մեգանի հետ։ Դերասանուհին նշել է, որ դա ասես «ուրիշ կյանքում» է եղել։
«Նա հիանալի, առատաձեռն կին է» ,- ընդգծել է Մուրը։
Դերասանուհին ավելացրել է, որ շատ ուրախ է այն բանի համար, թե ինչպես դասավորվեց Մարքլի կյանքը։
