Բանգլադեշում գտնվող Խան Ջահան Ալի տաճարում կոկորդիլոսներից մեկը, որը համարվում է սուրբ կենդանի, կերել է մի հավատացյալի: Այս մասին հաղորդում է Interfax գործակալությունը:
BBC-ի հաղորդմամբ, Խան Ջահան Ալի մուսուլմանական տաճար պարբերաբար ուխտագնացներ են այցելում, որտեղ նրանց հնարավորություն է տրվում մտնել վարժեցված կոկորդիլոսներով լճակ: Ամեն օր այստեղ են գալիս հարյուրավոր մարդիկ՝ վերին ուժերից խնդրելու ցանկությունների իրականացում: Այս արարողության ժամանակ ուխտագնացները հաճախ կոկորդիլոսներին կերակրում են մսով:
Նշվում է, որ երեք տարի առաջ նմանատիպ արարողության ժամանակ կոկորդիլոսներն արդեն կյանքից զրկել էին մի ուխտագնացի:
