ԱՄՆ-ը, ինչպես նախկինում, դիտարկում է սիրիական հակամարտության լուծման բոլոր՝ ներառյալ ռազմական տարբերակները: Այս մասին հաղորդում է ITAR-TASS-ը՝ վկայակոչելով ԱՄՆ պետքարտուղար Ջոն Քերիին:
«Երբ նախագահ Բարաք Օբաման որոշում էր ընդունում Սիրիայի դեմ ուժի հնարավոր կիրառման մասին, նա այդ որոշումն ընդունել է քիմիական զենքի հիմնախնդրի կոնտեքստում: Նա այդ տարբերակը սեղանի վրա թողեց՝ հույս ունենալով, որ սիրիացիները կկատարեն պայմանավորվածությունները»,- ասել է Քերրին:
«Կախված այն բանից, թե ինչ տեղի կունենա ապագայում, նախագահը երբեք այդ տարբերակը սեղանից չի վերցրել»,- հավելել է նա:
Քերին նշել է նաև, որ ԱՄՆ-ը կշարունակի Ռուսաստանի հետ խորհրդակցությունները՝ Սիրիայում հակամարտության կարգավորման լուծման ուղիներ որոնելու շրջանակում:
