Ձեր հոդվածներում, հարցազրույցներում նշում եք, որ սատարում եք և սատարելու եք «Սասնա ծռեր» կուսակցությանը, և գտնում եք, որ «Սասնա ծռեր»-ը շանթարգելի դեր պետք է կատարեն խորհրդարանում։ Ինչո՞ւ այդ նույն դերը չեն կարող կատարել մյուս կուսակցությունները, ուժերը, և որն է այս առումով նրանց բացառիկությունը «Առաջին լրատվական»-ի հարցին «Մոդուս Վիվենդի» հետազոտական կենտրոնի տնօրեն Արա Պապյանը պատասխանեց․ «Ուրիշ ուժեր չեն կարող, որովհետև «Սասնա ծռեր»-ն են Ռուսաստանի կողմից դիտարկվում ավելի արմատական, մինչև իսկ բնութագրվում են նաև ծայրահեղական, հետևաբար, այդ համեմատության մեջ Նիկոլ Փաշինյանը Ռուսաստանի համար շատ ավելի ընդունելի կլինի։ Իսկ մյուս կուսակցությունները շատ ավելի մեղմ են, հանդես են գալիս գրեթե նույն դիրքորոշմամբ, ինչ Նիկոլ Փաշինյանը, հետևաբար, էական որևէ տարբերություն չկա։ Մյուսն այն է, որ շանթարգելի դեր կարող է կատարել, երբ Արցախի հարցը սրվի և արմատապես դրվի հայ հասարակության առջև, այսինքն՝ պահանջվի այն, ինչ բանակցվում է․ տարածքների վերադարձ, այդ դեպքում դրա դեմ հիմնական պայքարը կարող են ստանձնել «Սասնա ծռեր»-ը, և այդ բեռից ազատել իշխանություններին»։
«Ճիշտ է, ՀՅԴ-ն Արցախի հարցում մեծ լումա ունի, ունի նաև պատմական մեծ լումա, բայց, ցավոք սրտի, վերջին առնվազն 10 տարվա մեջ այդ ամբողջը մսխեցին, և լինելով մաս այն իշխանության, որի դեմ ժողովուրդն ըմբոստացավ և տապալեց, իրենք չեն գտնվում այսօր այն վիճակում, որ առաջնորդեն»,- հավելեց բանախոսը։
Ամբողջությամբ՝ տեսանյութում։
