Աշխարհի ամենահարուստ մարդը՝ տեխնոլոգիական մագնատ Բիլ Գեյթսը, քննադատել է պնդումն առ այն, թե ծայրահեղ աղքատությունը և հիվանդություններն անլուծելի են՝ հաղորդում է The Daily Mail-ը:
Բիլ և Մելինդա Գեյթսերի հիմնադրամի կողմից իր ամենամյա նամակում նա կանխատեսումներ է արել առաջիկա տասնամյակների համար:
Գեյթսի կարծիքով՝ մինչև 2035թ. աշխարհում չեն լինի աղքատ երկրներ, իսկ շուրջ 70% պետությունների բնակիչների եկամուտները ավելի բարձր կլինեն Չինաստանում ներկայում գրանցված եկամուտներից:
Բիլ Գեյթսը նշել է, որ երկու տասնամյակի ընթացքում տասը երկրներից իննում բնակչության մեկ շնչին բաժին ընկնող եկամուտը կգերազանցի Հնդկաստանի ընթացիկ ցուցանիշը: Միևնույն ժամանակ նա խոստովանել է, որ որոշ երկրների զարգացմանը կխոչընդոտեն պատերազմները և քաղաքականությունը, և որպես օրինակ բերել է Հյուսիսային Կորեան: Բացի այդ, Գեյթսը մատնանշել է անհավասարությունը, որը կդիտարկվի բոլոր երկրներում:
