Գործարար Խաչատուր Սուքիասյանը համամիտ չէ, որ Հայաստանում տնտեսական քաղաքականություն չկա: Ըստ նրա՝ կոռուպցիայի դեմ պայքարը, հավասար պայմանների ստեղծումը եւ մենաշնորհների վերացումը տնտեսական քաղաքականության արդյունք է: Այս մասին նա նշեց այսօր, լրագրողների հետ զրույցում:
Անդրադառնալով հարցին, թե արդյո՞ք ցանկանում է լինել քաղաքականության մեջ, պատասխանեց. «Ես ցանկություն չունեմ հայտնվել Ազգային ժողովում, ես ցանկություն չունեմ լինել գործադիրում: Ես բավականին ժամանակ մտածել եմ, որ իմ կարգավիճակը, որն այսօր ունեմ, իմ համար շատ ընդունելի է: Ես աջակցելու եմ գրագետներին, որոնք այս երկրի ապագան են: Նրանք, ովքեր պիտանի կլինեն մեր պետությանը եւ Ազգային ժողովին, ես նրանց միշտ կաջակցեմ»,- ասաց նա: